ඊයේ (2022 සැප්තැම්බර් 17) දින දියගම ජාත්‍යන්තර බේස්බෝල් ක්‍රීඩාංගණයේදී පැවැති ජපාන් ශ්‍රී ලංකා මිත්‍රත්ව ජාතික බේස්බෝල් ශූරතාවලියේ අවසන් මහා තරගයේදී ශ්‍රී ලංකා යුද හමුදාව පරදවා ජයග්‍රහණය හිමිකර ගැනීමට ගුවන් හමුදාව සමත් විය.

ශ්‍රී ලංකාවේ ජපාන තානාපති කාර්යාලයේ සහයෝගය ඇතිව ශ්‍රී ලංකා බේස්බෝල් සංගමය විසින් ජපානයේ 70 වැනි සංවත්සරය සහ ශ්‍රී ලංකාවේ රාජ්‍ය තාන්ත්‍රික සබඳතා වර්ධනය කර ගැනීම නිමිත්තෙන් මෙම තරඟාවලිය සංවිධානය කරන ලදී.

බේස්බෝල් ක්‍රීඩා සමාජ 13ක් මෙම තරඟාවලි සදහා සහභාගී වූ අතර යුද හමුදා කණ්ඩායම ලකුණු 7-4ක් ලෙස රන්බිම බේස්බෝල් සමාජය පරාජය කරමින් අවසන් ශූරතා තරඟයට එක්වෙන ලදී.

ත්‍යාග ප්‍රදානෝත්සවයේ ප්‍රධාන ආරාධිතයා ලෙස ශ්‍රී ලංකාවේ ජපාන තානාපති, අතිගරු Mizukoshi Hideaki මහතා සහභාගී විය. මෙම අවස්ථාවට ශ්‍රී ලංකා බේස්බෝල් සභාපති අසංග සෙනෙවිරත්න මහතා, ශ්‍රී ලංකා බේස්බෝල් සංගමයේ ලේකම්  බලඝණ නායක සංඛ අබේවික්‍රම, ගුවන් හමුදා බේස්බෝල් සංගමයේ  සභාපති ගෲප් කැප්ටන් චන්දිමාල් හෙට්ටිආරච්චි, ශ්‍රී ලංකා ගුවන් හමුදා බේස්බෝල් සංගමයේ සහකාර ලේකම්, ස්කොඩ්‍රන් ලීඩර් මාර්ක් ෆොන්සේකා ඇතුළු නිලධාරීහු  සහභාගී විය

විශේෂ සම්මාන සාරාංශය

හොඳම පිතිකරු - කෝප්‍රල් ඉඳුනිල් ඩබ්ලිව්සී (නායක ගුවන් හමුදා කණ්ඩායම)
දක්ෂතම ක්‍රීඩකයා - නායක ගුවන් භට සමරවීර එස්එච්ඩිආර්එල්
හොඳම පිතිකරු - ලාන්ස් කෝප්‍රල් රුවන් කුමාර (ශ්‍රී ලංකා යුද හමුදාව)
සෑම අතින්ම දක්ෂතම ක්‍රීඩකයා - ප්‍රමුඛ ගුවන් භට සදරුවන් ඩබ්ලිව්.ඩී.එස්