අන්තර් ඒකක මේසපන්දු ශූරතාවලිය  2022 ඔක්තෝබර් 07 වන දින කොළඹ ගුවන් හමුදා සෞඛ්‍ය කළමනාකරණ මධ්‍යස්ථානයේදී පැවැත්විණි. ත්‍යාග ප්‍රදානෝත්සවය එම ස්ථානයේදීම සිදු වූ අතර එහි ප්‍රධාන ආරාධිත අමුත්තා ලෙස පරිපාලන  අධ්‍යක්ෂ එයාර් වයිස් මාර්ෂල් රොෂාන් බියන්විල මහතා සහභාගි විය.

ශ‍්‍රී ලංකා ගුවන් හමුදා කටුනායක කඳවුර 2022 වසර සඳහා ශූරයන් ලෙස තේරී පත් වූයේ ශ‍්‍රී ලංකා ගුවන් හමුදා චීන වරාය විද්‍යාපීඨය පරාජය කරමිනි. දියතලාව ගුවන් හමුදා සටන් පුහුණු පාසලේ බලඝණ නායක ඒ.පී.ආර්.එම්.එස්. අබේසිංහ දක්ෂතම පිරිමි ක්‍රීඩිකයා ලෙසත් දක්ෂතම ක්‍රීඩිකාව ලෙස ඒකල ගුවන් හමුදා වෘත්තීය පුහුණු පාසලේ නායක ගුවන් කාන්තා ප්‍රනාන්දු එල්.පී.ඩී සම්මාන හිමිකර ගන්නා ලදී

ගුවන් හමුදා මේසපන්දු සභාපති එයාර් වයිස් මාර්ෂල් හේමන්ත සොයිසා, ගුවන් හමුදා ක්‍රීඩා කවුන්සිලයේ නිලධාරීන්, ජ්‍යෙෂ්ඨ නිලධාරීන් සහ අනෙකුත් ආරාධිතයින් අවසන් තරඟ සහ සම්මාන ප්‍රදානෝත්සවය සඳහා සහභාගී විය.