24 වැනි ගුවන් හමුද පාපැදි සවාරියේ පළමු අදියර 2023 මාර්තු 02 වන දින මහනුවරදී කිලෝමීටර් 116.7ක දුරක් ආවරණය කර අවසන් විය. ශ්‍රී ලංකා යුද හමුදා පාපැදි ශූර චන්දන දයානන්දන තරගයේ පළමු අදියර ජයගත් අතර ශ්‍රී ලංකා යුද හමුදාවේ අවිශ්ක මැඩොන්සා නැවතත් දෙවැනි සහ තෙවැනි ස්ථානය දෙහිවල ගල්කිස්ස මහ නගර සභාවේ සුරංග රණවීර විසින් දිනා ගන්නා ලදී.

පිරිමි පාපැදි සවාරියේ දෙවන දිනය මහනුවරින් ආරම්භ වී 2023 මාර්තු 03 වන දින පොළොන්නරුවේදී අවසන් වූයේ කිලෝමීටර් 146.7ක දුරක් ආවරණය කරමිනි. ශ්‍රී ලංකා යුධ හමුදා පාපැදි ශූර සාරංග පෙරේරා 2 වන අදියර ජයගත් අතර දෙවන සහ තෙවන ස්ථාන පිළිවෙලින් ශ්‍රී ලංකා නාවික හමුදාවේ ප්‍රභාෂ් මධුශංකන්ද් සහ ජානක හේමන්තකුමාර විසින් දිනා ගන්නා ලදී.

තරගයේ තෙවැනි (අවසන්) අදියර (2023 මාර්තු 04 වන දින පොළොන්නරුවෙන් උදෑසන 0830 ට ආරම්භ වේ. තුන්වන අදියර කිලෝමීටර් 132 ක දුරක් ආවරණය කර අනුරාධපුරයෙන් අවසන් වේ.

කාන්තා තරගය  2023 මාර්තු 04 හබරණ නගරයෙන් ආරම්භ වන අතර දළ වශයෙන් කිලෝමීටර් 84.9 ක දුරක් ආවරණය කරමින් අනුරාධපුරයේදී අවසන් වේ.