පෙර විවාහ සහ අලුත විවාහ වූ යුවලන් සඳහා වැඩමුළුවක් පවත්වන ලදී
ශ්‍රී ලංකා ගුවන් හමුදා සේවා වනිතා ඒකකය සෞඛ්‍ය සේවා අධ්‍යක්ෂ මණ්ඩලය සමග එක්ව විවාහ වීමට පෙර සහ අලුත විවාහ වූ යුවලන් සඳහා එක්දින වැඩමුළුවක් 2023 අප්‍රේල් 27 වන දින කටුනායක ගුවන් හමුදා කඳවුරේදී පවත්වන ලදී.මෙම වැඩසටහන සංවිධානය කළේ ඔවුන්ට සාර්ථක විවාහ ජීවිතයක් ගත කිරීම සඳහා වඩා හොඳ දැනුමක් සහ අවබෝධයක් ලබා දීමේ අරමුණ ඇතිවය.
ගුවන් හමුදා සේවා වනිතා ඒකකයේ සභාපතිනී චාමිණි පතිරණ මහත්මිය ප්‍රධාන ආරාධිත අමුත්තා ලෙස මෙම අවස්ථාවට සහභාගී වූ අතර සෞඛ්‍ය සේවා අධ්‍යක්ෂ ජනරාල් එයාර් වයිස් මාර්ෂල් (වෛද්‍ය) ලලිත් ජයවීර, සුභසාධක අධ්‍යක්ෂ ජනරාල්, එයාර් වයිස් මාර්ෂල් සුහර්ෂි ප්‍රනාන්දු, කටුනායක ගුවන් හමුදා කඳවුරු අණදෙන නිළධාරී එයාර් වයිස් මාර්ෂල් ලසිත සුමනවීර සහ කටුනායක ගුවන් හමුදා රෝහලේ අණදෙන නිලධාරී එයාර් කොමදෝරු නිලූකා අබේසේකර,අලුතින් විවාහ වූ ගුවන් හමුදා සාමාජිකයින් ඔවුන්ගේ සහකරු හෝ සහකාරිය සහ නුදුරු අනාගතයේ දී විවාහ වීමට අදහස් කරන ගුවන් හමුදා සාමාජිකයින් ඔවුන්ගේ අපේක්ෂිත කලත්‍රයන් 150 දෙනෙකු මෙම අවස්ථාව සඳහා එක්ව සිටියහ.
ආචාර්ය සරත් මණ්ඩලවත්ත, මහාචාර්ය නෙරංජි විජේවර්ධන, බද්‍රා උඩවත්ත මහත්මිය, නියෝජ්‍ය පොලිස්පති රොහාන් සමරවික්‍රම මහතා, රේණුකා ජයසුන්දර මහත්මිය, විංග් කමාන්ඩර් සුසිල් ප්‍රේමරත්න, ස්කොඩ්‍රන් ලීඩර් ශානක තිලකරත්න යන මහත්වරු සිය දැනුම හා අත්දැකීම් සමගින් මෙම වැඩසටහන පවත්වන ලදී.
