ශ්‍රී ලංකාවේ ඇමෙරිකා එක්සත් ජනපද තානාපතිනි Julie J Chung මහත්මිය අද (2023 ජූලි 24) උදෑසන ගුවන් හමුදා මූලස්ථානයේදී ගුවන් හමුදාපති එයාර් මාර්ෂල් උදේනි රාජපක්ෂ මහතා හමුවිය.

ගුවන් හමුදාධිපතිතුමන් සහ මෙරටට පැමිණි තානාපතිවරයා අතර ද්විපාර්ශ්වික වශයෙන් වැදගත් කරුණු පිළිබඳව සුහද සාකච්ඡාවක් පැවැත් වූ අතර, අනතුරුව එම අවස්ථාව සනිටුහන් කිරීම සඳහා නිල සමරු ඵලක හුවමාරු කර ගන්නා ලදී.

මෙම අවස්ථාවට ආරක්‍ෂක උපදේශක, ලුතිනන් කර්නල් ඇන්තනි සී. නෙල්සන් සහ ආරක්‍ෂක සහයෝගිතා කාර්යාලයේ ප්‍රධානී, ලුතිනන් කමාන්ඩර් ෂෝන් ජින් ඇතුළු පිරිසක් සහභාගි වූහ.