ශ්‍රී ලංකා ගුවන් හමුදා සාමාඡිකයින් සඳහා පොදු ගිණුම්කරණය සහ විගණනය පිළිබඳ වැඩමුළුවක් පවත්වනු ලබයි
මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යාංශයේ කළමනාකරණ විගණන දෙපාර්තමේන්තුව, අභ්‍යන්තර විගණන නිලධාරීන්, අධ්‍යක්ෂක/කොට්ඨාශ මට්ටමින් මහජන විගණන කටයුතු හසුරුවන නිලධාරීන් විසින් ගුවන් හමුදා විගණන සහායකයින් සඳහා දෙදින වැඩමුළුවක් 2023 ජූලි 26 සහ 27 යන දිනවල පවත්වන ලදී. රාජ්‍ය ගිණුම්කරණය සහ විගණනය පිළිබඳ ඔවුන්ගේ වෘත්තීය දැනුම සහ කුසලතා වැඩිදියුණු කිරීමයි මෙම වැඩමුළුවේ මූලික අරමුණ විය.
මෙම වැඩමුළුව මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යාංශයේ කළමනාකරණ විගණන දෙපාර්තමේන්තුවේ අධ්‍යක්ෂ ජනරාල් එස් ඒ චන්ද්‍රික කුලතිලක මහත්මිය සහ නිලධාරී කණ්ඩායමක් සමඟ පවත්වන ලදී. ඒ සඳහා නිලධාරීන් 27 දෙනෙකු සහ සෙසු නිලයින් 33 දෙනෙකු සහභාගී විය.
වැඩබලන අධ්‍යක්ෂ අභ්‍යන්තර විගණන (සේවා) ගෲප් කැප්ටන් ආර් ආර් සෝමතිලක මහතාගේ මගපෙන්වීම යටතේ හා ගුවන් හමුදා අභ්‍යන්තර විගණන මාණ්ඩලික නිලධාරී විංග් කමාන්ඩර් ඩබ්ලිව්එම්එම්එස් චන්ද්‍රසේකර සහ මාණ්ඩලික නිලධාරී අභ්‍යන්තර විගණන ඓඓ, ගුවන් හමුදා අභ්‍යන්තර විංග් කමාන්ඩර් ඩබ්ලිව්ඒබීසී රූපසිංහ යන නිළධාරීවරුන්ගේ අධීක්‍ෂණය මෙම වැඩමුළුව ආරම්භ කරන ලද අතර විගණන අංශය විසින් සංවිධානය කරන ලදී.
