ගුවන් හමුදා සේවා වනිතා ඒකකයේ සභාපතිනි ඉනෝකා රාජපක්ෂ මහත්මියගේ මගපෙන්වීම යටතේ වන්නි ගුවන් හමුදා රෙජිමේන්තු පුහුණු පාසල විසින් ‘ගුවන් මිතුදම්’ ව්‍යාපෘතියක් 2023 ඔක්තෝබර් 01 වන දින මඩුක්කුලම නවජෝති විද්‍යාලයේ දී සාර්ථකව අවසන් කරන ලදී.

පාසලේ ප්‍රධාන ගොඩනැගිල්ල, ළමා උද්‍යානය, වැසිකිළි සංකීර්ණය ප්‍රතිසංස්කරණය කිරීම සහ පානීය අවශ්‍යතා සඳහා ජල පද්ධතියක් ස්ථාපනය කිරීම මෙම ව්‍යාපෘතියට ඇතුළත් විය. මෙම ව්‍යාපෘතිය 2023 සැප්තැම්බර් මස ආරම්භ කරන ලද අතර වන්නි ගුවන් හමුදා රෙජිමේන්තු පුහුණු පාසලේ අණදෙන නිලධාරී ගෲප් කැප්ටන් බුද්ධික පියසිරි විසින් සිසුන් වෙත භාර දෙන ලදී.

මෙම ව්‍යාපෘතිය සඳහා ශ්‍රී ලංකා ගුවන් හමුදා සේවා වනිතා ඒකකය සහ වන්නි ගුවන් හමුදා රෙජිමේන්තු පුහුණු පාසල එක්ව අරමුදල් සපයන ලදී. මෙම උත්සවය සඳහා විදුහල්පතිවරුන්, ගුරුවරුන්, සිසුන් සහ දෙමාපියන්, නිලධාරීන්, සෙසු නිලයින් පිරිසක් සහභාගී විය