2023 අන්තර් ඒකක ස්කොෂ් තරඟාවලිය රත්මලාන ගුවන් හමුදා ස්කොෂ් සංකීර්ණයේ දී 2023 ඔක්තෝම්බර් 09 සිට ඔක්තෝම්බර් 12 දක්වා පැවැත්විණි. 2023 අන්තර් ඒකක ස්කොෂ් ශූරතාවලියේ ශූරයන් බවට පත් වූයේ ශ්‍රී ලංකා ගුවන් හමුදා රත්මලාන තාක්ෂණික කණ්ඩායම පරාජය කරමින් කොළඹ කඳවුරු කණ්ඩායම යි.

ශූරතාවය දිනූ කණ්ඩායම එයාර් කොමඩෝර් ඩීආර්ඩබ්ලිව් ජයවර්ධන, ගෲප් කැප්ටන් කේඒඒඑස්කේ මුණසිංහ, ගෲප් කැප්ටන් ඩීඊ ගීගනගේ, සැරයන් දිසානායක ඩීඑම්එස්එල් සහ කෝප්‍රල් වික්‍රමසිංහ ඒජීටීආර් යන අයගෙන් සමන්විත විය.

ප්‍රධාන ආරාධිත අමුත්තා ලෙස අධ්‍යක්ෂ ජනරාල් සැපයුම් එයාර් වයිස් මාර්ෂල් ආර්.එන්.තිලකසිංහ මහතා සහභාගී විය. ගුවන් හමුදා ක්‍රීඩා අධ්‍යක්ෂ ගෲප් කැප්ටන් ඩබ්.ඒ.එස්.බී වීරසේකර, කොළඹ ගුවන් හමුදා කඳවුරු අණදෙන නිළධාරී එයාර් කොමඩෝර් පී.එස්.එන් ප්‍රනාන්දු, ගුවන් හමුදා ස්කොෂ් සභාපති ගෲප් කැප්ටන් බී.කේ.ඩී.එම් සුමනසේකර, ගුවන් හමුදා ස්කොෂ් සම්මේලනයේ ලේකම් විංග් කමාන්ඩර් ඊ.පී.ඩී.ආර් එදිරිසිංහ ඇතුලු ජ්‍යෙෂ්ඨ නිලධාරීන් සහ ගුවන් භටයින් ද එක්ව සිටියහ.

මෙම විවෘත තරඟාවලිය පිරිමි විවෘත, කාන්තා විවෘත, පිරිමි නවක, පිරිමි අවුරුදු 35ට වැඩි, පිරිමි අවුරුදු 40ට වැඩි සහ පිරිමි අවුරුදු 45ට වැඩි වශයෙන් කාණ්ඩ පහක් යටතේ පැවැත්විණි.