ශ්‍රී ලංකා ගුවන් හමුදා කොළඹ කඳවුර වෙත නව අණදෙන නිලධාරිවරයෙක් පත්කරන ලදී.
ශ්‍රී ලංකා ගුවන් හමුදා කොළඹ කඳවුරේ නව අණදෙන නිලධාරි තනතුර භාරදීම සහ භාරගැනීමේ සාම්ප්‍රදායික පෙළපාලිය 2023 ඔක්තෝම්බර් 25 වන දින කඳවුරු පරිශ්‍රයේදී පවත්වන ලද අතර එහිදී නික්ම යන අණදෙන නිලධාරී එයාර් කොමඩෝර් පිඑසසඑන් ප්‍රනාන්දු නිලධාරීතුමන් විසින් එයාර් කොමඩෝර් සී වික්‍රමරත්න වෙත නව තනතුර භාර දෙන ලදී.
නික්මයන අණදෙන නිලධාරී එයාර් කොමඩෝර් සුරේෂ් ප්‍රනාන්දු නිලධාරීතුමන් ගුවන් හමුදා මූලස්ථානයේ වැඩබලන අධ්‍යක්ෂ ජනරාල් සුබසාධන තනතුර භාරගැනීමට නියමිතව ඇත. නව වැඩබලන අණදෙන නිලධාරී එයාර් කොමදෝරු චමින්ද වික්‍රමරත්න මහතා කොළඹ ගුවන් හමුදා කඳවුරේ අණදෙන නිලධාරි තනතුර භාරතැනීමට පෙර ගුවන් හමුදා මූලස්ථානයේ විනයාරක්ෂක මාන්ඩලික නිළධාරී තනතුරේ සේවය කර ඇත.
