2023 ඔක්තෝබර් 27 වන දින උදෑසන කොළඹ, පිටකොටුව 2 වන හරස් වීදියේ පිහිටි රෙදිපිළි අලෙවිසැලක හටගත් ගින්න මැඩපැවැත්වීම සඳහා ශ්‍රී ලංකා ගුවන් හමුදාව විසින් හදිසි ප්‍රතිචාර ගිනි මෙහෙයුමක් දියත් කරන ලදී.

කොළඹ ගිනි නිවන ඒකකයේ ගිනි නිවන රථ 7ක මූලික ප්‍රයත්නයන්ට අමතරව, ශ්‍රී ලංකා ගුවන් හමුදාව ප්‍රතිචාර ලෙස ගිනි නිවන භටයින්, ගිනි නිවන රථ සහ රෙජිමේන්තු නිලධාරීන් කණ්ඩායමක් සහ ආපදා සහය සහ ප්‍රතිචාර කණ්ඩායම  සමඟ කොළඹ ගුවන් හමුදා කඳවුරේ සිට එම ස්ථානයට යොදවන ලද අතර ගොඩනැගිල්ල තුළ සිරවී සිටි පුද්ගලයින් 17 දෙනෙකු ආරක්ෂිතව බේරා ගන්නා ලදී.