ගුවන් හමුදා චීන වරාය විද්‍යාපීඨයේ කනිෂ්ඨ අණ සහ මාණ්ඩලික විද්‍යාලය 2024 මාර්තු 04 වන දින සිය 25 වන සංවත්සරය සමරනු ලැබීය. සංවත්සර උත්සවයට සමගාමීව අණදෙන නිළධාරී ගෲප් කැප්ටන් වීආර්එස් විදානපතිරණ ගේ මගපෙන්වීම මත ප්‍රජා සත්කාරක ව්‍යාපෘති මාලාවක් ක්‍රියාත්මක කරන ලදී. 2024 මාර්තු 02 වන දින ත්‍රිකුණාමලයේ 'රේවත' ළමා ළමා නිවාසයේ 'ශ්‍රමදාන ව්‍යාපාරයක්' සහ 2024 මාර්තු 04 දින එම පරිශ්‍රයට 'ලිපි ද්‍රව්‍ය පරිත්‍යාග' කිරීමක් සිදු කරන ලදී. එපමණක් නොව, රිදී ජුබිලිය නිමිත්තෙන් කනිෂ්ඨ අණ සහ මාණ්ඩලික විද්‍යාල පරිශ්‍රයේ රුක් රෝපණය ද සිදු කරන ලදී.

75 වන කනිෂ්ඨ අණ හා මාණ්ඩලික පාඨමාලාවේ ක්‍රීඩා සැණකෙළිය සමඟින් සංවත්සර දින සැමරුම ක්‍රීඩා සහ විනෝදාස්වාද ඉසව් සමඟින්  සාර්ථකව අවසන් කරන ලදී. මෙම අවස්ථාවෙහි පුධාන ආරාධිත අමුත්තා ලෙස චීන වරාය විද්‍යාපීඨයේ වැඩබලන අණදෙන නිළධාරීතුමන් මෙන්ම සියලුම නිලධාරීන්, සෙසු නිලයින් සහ සිවිල් කාර්ය මණ්ඩලය සහභාගී වූහ.