ශ්‍රී ලංකාවේ උතුරු පළාත තුළ 'මගෙන් පොතක් උතුරට' සාක්ෂරතා ව්‍යාපෘතිය ප්‍රගමනය සඳහා ශ්‍රී දළදා මාලිගාවේ ප්‍රධාන භාරකරු ආචාර්ය ප්‍රදීප් නිලංග දෑල මහතා රුපියල් මිලියන 2 ක මූල්‍ය ආධාරයක් ලබා දී ඇත.

චෙක්පත් ප්‍රදානය කිරීම 2024 මාර්තු 21 ගුවන් හමුදා මූලස්ථානයේදී සිදු විය. මෙම අවස්ථාවේදී උතුරු පළාතේ සාක්ෂරතාවය සහ අධ්‍යාපනික කටයුතු වැඩිදියුණු කිරීම සඳහා දළදා මාලිගාව සහයෝගය සංකේතවත් කරමින් චෙක්පත නිල වශයෙන් ගුවන් හමුදාධිපති එයාර් මාර්ෂල් උදේනි රාජපක්ෂ මහතා වෙත භාර දෙන ලදී.