චීනයේ ප්‍රධාන ආරක්ෂක භාණ්ඩ සැපයුම්කරු වන නොරින්කෝ සමාගම සහ NORINCO Company, Diesel & Hydraulic Engineering පුදුගලික සමාගමෙහි දේශීය නියෝජිතයින් පස් දෙනෙකුගෙන් යුත් දූත පිරිසක් 2024 මැයි 21 වන දින ගුවන් හමුදා මූලස්ථානයේදී ගුවන් හමුදාපති එයාර් මාර්ෂල් උදේනි රාජපක්ෂ හමුවිය. දූත පිරිසේ ප්‍රධානත්වය දරනු ලැබුවේ හමුදා වෙළඳ කටයුතු පිළිබඳ ඉහළ මට්ටමේ නිළධාරීලත් ලුඕ ෂියැන්ග්ඩොං මහතා විසිනි.

ආරක්ෂක හැකියාවන් වැඩිදියුණු කිරීම සඳහා ගුවන් හමුදාව තුළ ඇති විය හැකි අවස්ථා ගවේෂණය කිරීම පිළිබඳව මෙම සාකච්ඡාවේදී අවධානය යොමු විය. දෙපාර්ශවය අතර පැවති සුහද සාකච්ජාවෙන් අනතුරුව ගුවන් හමුදාධිපතිතුමන් සහ පැමිණි සිටි ප්‍රභූන් අතර එම අවස්ථාව සනිටුහන් කරමින් සමරු තිළිණ හුවමාරුවක් ද සිදු විය.