සැප්තැම්බර් 26 සිට 30 දක්වා මාලදිවයිනේදී පැවැත්වෙන ‘සුපිරි කුසලාන 2024’ ත්‍රාසජනක පැසිපන්දු තරගාවලියට සහභාගි වීම සඳහා ශ්‍රී ලංකා ගුවන් හමුදා පිරිමි සහ කාන්තා පැසිපන්දු කණ්ඩායම් 2024 සැප්තැම්බර් 25 වන දින මාලදිවයින බලා පිටත්ව යන ලදී. මාලදිවයිනේ පැසිපන්දු සංගමය විසින් සංවිධානය කරනු ලබන මෙම තරඟාවලියට ශ්‍රී ලංකා ගුවන් හමුදා කණ්ඩායම් සමඟින් මාලදිවයිනේ ප්‍රමුඛ කණ්ඩායම් සහභාගී වේ.

ගුවන් හමුදාධිපති එයාර් මාර්ෂල් උදේනි රාජපක්ෂ මහතා කණ්ඩායම් දෙකටම සිය සුභ පැතුම් එක් කළ අතර ඔවුන්ගේ උපරිම දක්ෂතා දක්වමින් ජයග්‍රහණ ලබා ගෙන ඒමට ඔවුන් දිරිමත් කරන ලදී.