ශ්‍රී ලංකා ගුවන් හමුදාව සේවා පුද්ගලයින්ගේ වෘත්තීය සහ පුද්ගල සංවර්ධනය ඉහළ නැංවීමේ අරමුණින් අධ්‍යාපනික දේශන මාලාවක් ආරම්භ කර ඇත. ධනාත්මක ආකල්ප පිටුපස ඇති සාර්ථකත්වය, පුද්ගලික මූල්‍ය කළමනාකරණය සහ ශ්‍රී ලංකා ගුවන් හමුදා සාමාජිකයින්ට ලැබෙන ප්‍රතිලාභ සහ සුබසාධන යෝජනා ක්‍රම ඇතුළත් ප්‍රධාන ක්ෂේත්‍ර තුනක් පිළිබඳව මෙම වැඩසටහන අවධානය යොමු කරන ලදී.

2‍024 දෙසැම්බර් 02 සහ 2024 දෙසැම්බර් 06 යන දිනයන්හිදී පිළිවෙලින් ගුවන් හමුදා ඒකල වෘත්තීය පුහුණු පාසලේ සහ කටුනායක ගුවන් හමුදා කඳවුරේදී මෙම දේශන පවත්වන ලද අතර මෙම වැඩසටහන බළලත් නිලධාරිවරයකු සහ පළපුරුදු ගිණුම් උපදේශකයෙකු විසින් මෙහෙයවන ලදී.