13 වන ආරක්ෂක සේවා ක්‍රීඩා උළෙලේ කොටසක් වන ආරක්ෂක සේවා බොක්සිං ශූරතාවලිය 2025 ජුනි 11 සිට 12 දක්වා ගුවන් හමුදා කටුනායක කඳවුරේ ව්‍යායාම ශාලාවේදී පවත්වන ලද අතර ත්‍රිවිධ හමුදා නියෝජනය කරමින් තරඟකරුවන් 46 කට වැඩි පිරිසක් සහභාගී වූහ. ශූරතාවලියේදී, ගුවන් හමුදා කාන්තා බොක්සිං කණ්ඩායම කාන්තා කාණ්ඩයේ බර පන්ති 05 න් රන් පදක්කම් තුනක් සහ ලෝකඩ පදක්කම් 02ක් හිමිකර ගනිමින් කාන්තා කාණ්ඩයේ බොක්සිං ශූරතාවය හිමිකරගැනීමට සමත් විය. ශ්‍රී ලංකා යුද හමුදාව පිරිමි බොක්සිං ශූරතාව දිනාගත් අතර ගුවන් හමුදා පිරිමි බොක්සිං කණ්ඩායම පිරිමි කාණ්ඩය සඳහා අනුමත බර පන්ති 10 න් රන් පදක්කම් දෙකක්, රිදී පදක්කම් හතරක් සහ ලෝකඩ පදක්කම් හතරක් සමඟ  අනුශූරතාවය දිනා ගත්තේය. පිරිමි සහ කාන්තා කාණ්ඩ යටතේ ශූරතාවලියේ ‘හොඳම පරාජිතයා’ ලෙස කෝප්‍රල් කුමාර එච්ඒඩබ්කේ සහ නායක ගුවන් කාන්තා මල්ෂානි එල්අයිඑන් පිළිවෙලින් නම් කරන ලදී.

ත්‍යාග ප්‍රදානෝත්සවය ගොඩබිම් මෙහෙයුම් අධ්‍යක්ෂ ජෙනරාල් එයාර් වයිස් මාර්ෂල් රුවන් චන්දිම මහතාගේ ප්‍රධානත්වයෙන් පවත්වන ලදී. 

ප්‍රතිඵල සාරාංශය

කාන්තා
රන් පදක්කම්ලාභීන්

නායක ගුවන් කාන්තා කුරේ (සැහැල්ලු බර 60 kg)

කෝප්‍රල් තිවංක (වෙල්ටර් බර 69 kg)

නායක ගුවන් කාන්තා කළුආරච්චි (මධ්‍ය බර 75 kg)

ලෝකඩ පදක්කම්ලාභීන්

නායක ගුවන් කාන්තා පෙරේරා 

නායක ගුවන් කාන්තා මල්ෂානි