අංක 49 නිලධාරී, අංක 09 කාන්තා නිලධාරීනියන්, අංක 64 ගුවන් භට, අංක 17 ගුවන් කාන්තා සහ අංක 39 නාවික හමුදා නිලධාරීන් සඳහා පවත්වනු ලැබු පුපුරණ ද්‍රව්‍ය නිෂ්ක්‍රීය කිරීමේ (EOD) මූලික පාඨමාලාවේ සහතික පත් සහ ලාංඡන ප්‍රදානය කිරීමේ උත්සවය 2025 ජුනි 19 වන දින ගොඩබිම් මෙහෙයුම් අධ්‍යක්ෂක මණ්ඩලයේ හමුදා ආරක්ෂක එයාර් කොමඩෝර් ඒඩීආර් ලියනාරච්චි නිළධාරීතුමන්ගේ ප්‍රධානත්වයෙන් සිදුකරන ලදී.

සංකීර්ණ සහ අධි අවදානම් සහිත පරිසරයන්හි පුපුරන ද්‍රව්‍ය තර්ජන හඳුනා ගැනීම, උදාසීන කිරීම සහ බැහැර කිරීමට හැකියාව ඇති ඉහළ කුසලතා ඇති වෘත්තිකයන් ප්‍රගුණ කිරීම සඳහා මෙම මූලික පාඨමාලාව නිර්මාණය කර ඇත. මෙම වෘත්තිය විශේෂඥයින් ජාතික ආරක්ෂාව සඳහා වැදගත් කාර්යභාරයක් ඉටු කරන අතර, ආපදා සදහා ප්‍රතිචාර දැක්වීම සහ සන්නද්ධ හමුදාවන්හි සියලුම ශාඛා හරහා මෙහෙයුම් සූදානම සඳහා දායක වේ.

පෙළපාළියටශ්‍රී ලංකා ගුවන් හමුදාවේ නිලධාරීන් දෙදෙනෙකු, කාන්තා එක් නිලධාරිනියක්, ගුවන් භටයින් 29 දෙනෙකු,  ගුවන් කාන්තාවන් තිදෙනෙකු සහ ශ්‍රී ලංකා නාවික හමුදාවේ එක් නිලධාරියෙකු සහ නාවිකයින් සිව්දෙනෙකු ඇතුළත් විය. පාඨමාලාව සාර්ථකව නිම කිරීම විධිමත් ලෙස අගය කරමින් පුහුණුවන්නන් 40 දෙනෙකු හට සහතික සහ ලාංඡන ප්‍රදානය කරන ලදී.