ගුවන් හමුදාපති එයාර් මාර්ෂල් බන්දු එදිරිසිංහ මහතාගේ මඟ පෙන්වීම යටතේ 2025 ජුනි 19 වන දින ඒකල ගුවන් හමුදා වෘත්තීය පුහුණු පාසලේ පිහිටි ශ්‍රී ලංකා ගුවන් හමුදා රණවිරු ස්මාරකයේදී ගුවන් හමුදා මියගිය රණවිරුවන් සැමරීම සිදුකරන ලදී .

මෙය ගුවන් හමුදා දින දර්ශනයේ ප්‍රමුඛතම සිදුවීමක් වන අතර එය වාර්ෂිකව සැලසුම් කර ඇති අතර මෙම වසරේ උත්සවය ඒකල ගුවන් හමුදා වෘත්තීය පුහුණු පාසලේ අණදෙන නිලධාරී එයාර් කොමඩෝර් කෝලිත අබේසිංහ මහතාගේ අධීක්ෂණය යටතේ සංවිධානය කරන ලදී.

ගුවන් හමුදා දේශප්‍රේමීන් විසින් කරන ලද උත්තරීතර පරිත්‍යාගය සිහිපත් කිරීම සඳහා ගුවන් හමුදාපතිවරයා විසින් ස්මාරකය අසලදී පළමු පුෂ්පෝපහාරය පුද කරන ලදී. මෙම අවස්ථාවට මාණ්ඩලික ප්‍රධානී, ගුවන් හමුදා කළමනාකරණ මණ්ඩලයේ සාමාජිකයින්, ඒකල ගුවන් හමුදා වෘත්තීය පුහුණු පාසලේ අණදෙන නිලධාරී, ජ්‍යෙෂ්ඨ නිලධාරීන්,සෙසු නිළයින් මෙන්ම මියගිය රණවිරුවන්ගේ ආදරණීය පවුල්වල සාමාජිකයින් පිරිසක් සහභාගී විය.