බෙල් ටෙක්ස්ට්‍රොන් සමාගම විසින් ශ්‍රී ලංකා ගුවන් හමුදාපති එයාර් මාර්ෂල් බන්දු එදිරිසිංහ සහ මාණ්ඩලික ප්‍රධානී එයාර් වයිස් මාර්ෂල් ලසිත සුමනවීර වෙත 2025 ජුනි 23 වන දින ගුවන් හමුදා මූලස්ථානයේදී නියමු ආරක්ෂක සම්මාන සහතික නිල වශයෙන් ප්‍රදානය සිදු කරන ලදී.

අනතුරු රහිත හෙලිකොප්ටර් පියාසර පැය 6,142 ක් සම්පූර්ණ කිරීම වෙනුවෙන් ගුවන් හමුදාපතිතුමන් ඇගයීමට ලක් වූ අතර, අනතුරු රහිත හෙලිකොප්ටර් පියාසර පැය 4,047 ක් ලබා ගැනීම වෙනුවෙන් මාණ්ඩලික ප්‍රධානීතුමන් ඇගයීමට ලක් විය. 

මෙම ප්‍රදානය සඳහා බෙල් ටෙක්ස්ට්‍රොන් (ශ්‍රී ලංකාව සහ මාලදිවයින) හි නියෝජිතයින් සහ එහි සභාපති සම්පත් රණවීර මහතා සහ උප සභාපති එයාර් වයිස් මාර්ෂල් ජයනාත් කුමාරසිරි (විශ්‍රාමික) ඇතුළු සිලෝන් ගුවන් සේවා සමාගමේ (CAS) නිලධාරීන් පිරිසක් සහභාගී විය.