මඩකලපුව ගුවන් හමුදා කඳවුරේ අලුතින් පිහිටුවන ලද පෙර පාසල් පරිපාලන ගොඩනැගිල්ල සහ ක්‍රීඩා පිටිය විවෘත කිරීමේ උත්සවය ගුවන් හමුදා සේවා වනිතා ඒකකයේ සභාපතිනි ක්‍රිෂාන්ති එදිරිසිංහ මහත්මියගේ ප්‍රධානත්වයෙන් 2025 ජුනි 26 වන දින පැවැත්විණි. 

කෘෂිකර්ම හා සුභසාධන ව්‍යාපෘති අධ්‍යක්ෂිකා එයාර් කොමදෝරු එරන්දික ගුණවර්ධන, ගුවන් හමුදා කළමනාකරණ මණ්ඩලයේ සාමාජිකයින් සහ මඩකලපුව සිංහ සමාජයේ සාමාජිකයින් ද මෙම අවස්ථාවට සහභාගී වූහ.

මෙම උත්සවයේදී පෙර පාසල් දරුවන් විසින් නර්තන ඇතුළු විචිත්‍රවත් සංස්කෘතික සංදර්ශන මාලාවක් ඉදිරිපත් කරන ලද අතර, ඔවුන්ගේ දක්ෂතා සහ උද්යෝගය ඉස්මතු කරන ලදී.