කටුනායක ගුවන් හමුදා කඳවුරේ පර්යේෂණ හා සංවර්ධන අංශය  2025 අගෝස්තු 05 වන දින සිය 10 වන සංවත්සරය සැමරූ අතර එය එහි දශකයක නවෝත්පාදන හා ප්‍රගතියේ ගමනේ සැලකිය යුතු සන්ධිස්ථානයක් සනිටුහන් කර ඇත. 2015 දී පිහිටුවන ලද මෙම අංශය ගුවන් හමුදාවේ දේශීය පර්යේෂණ හා සංවර්ධන හැකියාවන් වැඩි දියුණු කිරීම අරමුණු කරගත් වැඩකටයුතු සදහා දායකත්වය ලබා දී ඇත.

පසුගිය වසර දහය තුළ සාර්ථක පර්යේෂණ ව්‍යාපෘති රාශියක් හරහා ගුවන් හමුදාවේ මෙහෙයුම් කාර්යක්ෂමතාව වැඩි දියුණු කිරීම සඳහා පක්ෂාංගය තීරණාත්මක කාර්යභාරයක් ඉටු කර ඇත. මෙම උත්සාහයන් ගුවන් හමුදාවේ තාක්ෂණික දියුණුව සහ ස්වයං විශ්වාසය සඳහා සැලකිය යුතු දායකත්වයක් ලබා දී ඇත.

සංවත්සර සැමරුමට චාරිත්‍රානුකූල වැඩ පෙළපාළියක් පක්ෂාංග පරිශ්‍රය සිදු කරන ලදී. පරිශ්‍රය තුළ ගස් සිටුවීමේ වැඩසටහනක් සහ ගුවන් හමුදා රෝහල් පිටියේ පැවති සුහදත්වය වර්ධනය කිරීම සදහා ක්‍රිකට් තරඟයක් ද පවත්වන ලදී.

ප්‍රධාන සැමරුමට පෙරාතුව 2025 අගෝස්තු 04 වන දින කටුනායක ලක්ෂ්මි ළමා නිවාසයේ ශ්‍රමදාන ව්‍යාපාරයක් පවත්වන ලදී. ප්‍රජා සත්කාරක ක්‍රියාකාරකම්වල කොටසක් ලෙස දානමය පුණ්‍ය කර්මයක් ද පවත්වන ලදී. මෙම උත්සව සාර්ථකව සංවිධානය කරන ලද්දේ පක්ෂාංගයේ සියලුම නිලධාරීන්ගේ සහ අනෙකුත් සියලුම නිලයන්ගේ කැපවූ සහයෝගය සහ ක්‍රියාකාරී සහභාගීත්වය ඇතිවය.