2025 අන්තර් ඒකක වොලිබෝල් ශූරතාවලිය 2025 අගෝස්තු 18 වන දින සිට 22 වන දින දක්වා කටුනායක ගුවන් හමුදා කඳවුරේදී පැවැත්විණි. අවසන් තරඟ සහ සම්මාන ප්‍රදානෝත්සවයේ ප්‍රධාන ආරාධිත අමුත්තා ලෙස සහභාගී වූ සුභසාධන අධ්‍යක්ෂ ජෙනරාල් එයාර් වයිස් මාර්ෂල් රජින්ත් ජයවර්ධන නිළධාරීතුමන් සහභාගී විය.

ශ්‍රී ජයවර්ධනපුර ගුවන් හමුදා කඳවුර පිරිමි සහ කාන්තා කාණ්ඩ දෙකෙහිම ශූරතා දිනා ගත් අතර, ගුවන් හමුදා අනුරාධපුර කඳවුර සහ ගුවන් හමුදා දියතලාව සටන් පුහුණු පාසල පිළිවෙලින් පිරිමි සහ කාන්තා කාණ්ඩවල අනුශූරතා දිනා ගත්හ.

මෙම අවස්ථාවට ක්‍රීඩා අධ්‍යක්ෂක එයාර් කොමඩෝර් සුරේෂ් ජයසිංහ, කටුනායක ගුවන් හමුදා කඳවුරු අණදෙන නිලධාරී එයාර් කොමඩෝර් අසේල ජයසේකර, ශ්‍රී ජයවර්ධනපුර ගුවන් හමුදා කඳවුරු අණදෙන නිලධාරී එයාර් කොමඩෝර් බුද්ධික පියසිරි, ගුවන් හමුදා වොලිබෝල් සංචිතයේ සභාපති ගෲප් කැප්ටන් මිලින්ද මෙන්ඩිස් සහ ගුවන් හමුදා ක්‍රීඩා කවුන්සිලයේ සාමාජිකයින් පිරිසක් සහභාගී වූහ.