2025 අනුස්මරණ දිනය සැමරීම සඳහා ශ්‍රී ලංකා සන්නද්ධ හමුදා ප්‍රවීණයන්ගේ සංගමයේ පොපි කමිටුවේ සභාපති මේජර් ජෙනරාල් මහින්ද මුදලිගේ (විශ්‍රාමික) මහතා 2025 සැප්තැම්බර් 02 වන දින ගුවන් හමුදා මූලස්ථානයේදී ගුවන් හමුදාපති එයාර් මාර්ෂල් බන්දු එදිරිසිංහ මහතාට පොපි මලක් පළඳවන ලදී.

පොපි මල් අලෙවියෙන් ලැබෙන ආදායම විශ්‍රාමික සහ ආබාධිත යුද ප්‍රවීණයන්ගේ සුභසාධනය සඳහා යොදා ගැනේ.

ශ්‍රී ලංකා සන්නද්ධ හමුදා ප්‍රවීණයන්ගේ සංගමයේ උප සභාපති එයාර් වයිස් මාර්ෂල් එල්එම්එස්කේ ලීලාරත්න (විශ්‍රාමික), ගෞරවනීය භාණ්ඩාගාරික මේජර් චිල්ටස් ද සිල්වා (විශ්‍රාමික), සම්බන්ධීකරණ නිලධාරී ප්‍රවීණයන්ගේ සංගමය, එයාර් කොමඩෝර් සුභාෂ් ජයතිලක සහ පොපි කමිටුවේ අනෙකුත් සාමාජිකයින් ද මෙම අවස්ථාවට සහභාගී විය.