ශ්‍රී ලංකා ගුවන් හමුදා හිගුරක්ගොඩ කඳවුරේ නව අණදෙන නිලධාරිවරයකු 2025 නොවැම්බර් 12 වන දින පත්කරන ලදී. තනතුර භාරදීමේ / භාර ගැනීමේ පෙළපාලිය අංක 07 බලඝණ පරිශ්‍රයෙහිදී සිදු කරන ලදී. 

එහිදී නික්ම යන කඳවුරු අණදෙන නිලධාරී එයාර් කොමඩෝර් එස්.ඩී ජයවීර නිලධාරිතුමන් විසින් ගෲප් කැප්ටන් එස්.ආර් ජයරත්න නිලධාරිතුමන් වෙත නව අණදෙන නිලධාරී තනතුර භාර දෙන ලදී.

නික්ම යන කඳවුරු අණදෙන නිලධාරියා වන එයාර් කොමඩෝර් එස්.ඩී ජයවීර නිලධාරිතුමන් රත්මලාන ගුවන් හමුදා කඳවුරේ නව අණදෙන නිලධාරියා ලෙස රාජකාරි භාර ගනු ඇත.