ජාතික අඛණ්ඩතා සතිය සැමරීම සඳහා රජය ගෙන ඇති පියවරට සහාය දැක්වීම සඳහා, ගුවන් හමුදා අභ්‍යන්තර කටයුතු ඒකකය (IAU) විසින් ‘දූෂණ විරෝධී පනත සහ අල්ලස් හා දූෂණ සම්බන්ධ සාමාන්‍ය වැරදි හැඳින්වීම’ යන මැයෙන් සංවිධානය කරන ලද දේශනයක් 2025 දෙසැම්බර් 10 වන දින ගුවන් හමුදා මූලස්ථානයේදී සාර්ථකව පැවැත්විණි. අල්ලස් හෝ දූෂණ චෝදනා විමර්ශන කොමිෂන් සභාවේ (CIABOC) කීර්තිමත් නිලධාරීන් තිදෙනෙකු වන චේතිය ගුණසේකර මහතා, ජනාධිපති නීතිඥ සහ කොමසාරිස් සුභාෂිණී සිරිවර්ධන මහත්මිය සහ නියෝජ්‍ය අධ්‍යක්ෂ ජනරාල් සහ අල්ලස් හෝ දූෂණ නිවාරණ නිලධාරී උදේශිකා ජයසේකර මහත්මිය යන මහත්ම මහත්මීහු සැසිය මෙහෙයවූහ.

දූෂණ විරෝධී පනතේ ප්‍රධාන විධිවිධාන, වගකීම් වාර්තා කිරීම සහ රාජ්‍ය අංශයේ අල්ලස් හා දූෂණ වැළැක්වීම සඳහා පිහිටුවා ඇති ජාතික යාන්ත්‍රණයන් පිළිබඳව කථිකයින් සහභාගිවන්නන්ට වටිනා අවබෝධයක් ලබා දුන්හ.

මෙම සැසිය සඳහා අභ්‍යන්තර කටයුතු ඒකකයේ ප්‍රධානී එයාර් වයිස් මාර්ෂල් දේශප්‍රිය සිල්වා, ගුවන් හමුදා අධ්‍යක්ෂක මණ්ඩලයේ සාමාජිකයින්, නිලධාරීන් සහ සෙසු නිලයින් පිරිසක් එක්ව සිටියහ.