ශ්‍රී ලංකා ගුවන් හමුදා විශ්‍රාමික නිලධාරීන් සඳහා පවත්වන ලද ගිනි ආරක්ෂණ දැනුවත් කිරීමේ පුහුණු වැඩසටහනේ සහතික ප්‍රදානෝත්සවය 2025 දෙසැම්බර් 19 වන දින කටුනායක ගුවන් හමුදා කඳවුරේ ගිනි නිවන පාසල සහ ගිනි නිවන පුහුණු කලමණාකරන පාසලේදී (FS&FTMS) පැවැත්විණි. ගුවන් රථවාහන සේවා අධ්‍යක්ෂ එයාර් කොමඩෝර් නන්දික සල්ගාදු මහතා ප්‍රධාන ආරාධිත අමුත්තා ලෙස මෙම අවස්ථාවට සහභාගී විය.

මෙම පුහුණු වැඩසටහන කටුනායක ගුවන් හමුදා කඳවුරේ මාස දෙකහමාරක කාලයක් ව්‍යුහගත විෂය මාලාවක් යටතේ පවත්වන ලද අතර, කටුනායක ගුවන් හමුදා කඳවුරේ අණදෙන නිලධාරී එයාර් කොමඩෝර් අමිත ජයමහ නිලදාරිතුමන්ගේ මගපෙන්වීම යටතේ පවත්වන ලදී. පාඨමාලා විෂය මාලාව ගෘහස්ථ ගිනි නිවීම, ගිනි සේවා ඉංජිනේරු විද්‍යාව, ගිනි සේවා මෙහෙයුම්, හුස්ම ගැනීමේ උපකරණ, ගිනි හඳුනාගැනීමේ සහ ආරක්ෂණ පද්ධති, ගිනි සේවා පොම්ප, ගිනි වැළැක්වීම සහ කඹ ගලවා ගැනීමේ ගැට ශිල්පීය ක්‍රම ආවරණය කරන ලදී. වැඩසටහන සාර්ථකව නිම කිරීමෙන් පසු පුහුණුවන්නන් 16 දෙනෙකුට සහතිකපත් ප්‍රදානය කරන ලදී.

මෙම උත්සවයට ගුවන් හමුදා ගිනි නිවන හා ගලවා ගැනීමේ සේවයේ ප්‍රධාන ගිනි නිවන නිලධාරී ගෲප් කැප්ටන් හේමන්ත බාලසූරිය, ගිනි නිවන පාසලේ සහ ගිනි නිවන නඩත්තු බලඝණයේ අණදෙන නිලධාරී ගෲප් කැප්ටන් චමිල් හෙට්ටිආරච්චි ඇතුළු බලඝණයේ නිලධාරීන් සහ සෙසු නිලයන් සහභාගී විය.