“සිංහ පැටවුන්” ලෙස හැඳින්වෙන අංක 10 ප්‍රහාරක බලඝණය සිය 30 වන සංවත්සරය 2026 ජනවාරි 05 දින අභිමානවත් ලෙ සමරන ලද අතර, එය ශ්‍රී ලංකා ගුවන් හමුදාවට දශක තුනක සේවා කාලයක් සමරීමේ අවස්ථාව සනිටුවන් විය.

සංවත්සර දින සැමරුම් උත්සවය අණදෙන නිලධාරී ගෲප් කැප්ටන් ඩබ්ලිව්එම්ටීජීපීඑස් විජේකෝන් නිළධාරීතුමන්ගේ මඟපෙන්වීම යටතේ, බලඝණ පරිශ්‍රයේදී ආරම්භ විය. නිලධාරීන් සහ සෙසු නිළයින් සමඟ, අණදෙන නිලධාරීතුමන් පසුගිය 30 වසර තුළ බලඝණයේ ඉතිහාසය, මෙහෙයුම් කාර්යභාර සහ සාමාජිකයින්ගේ දායකත්වය සමාලෝචනය කළහ.

සංවත්සර වැඩසටහනේ කොටසක් ලෙස, මීගමුව ශාන්ත ආනා ළමා නිවාසයේ ශ්‍රමදාන සහ දානමය කටයුත්තක් සංවිධානය කරන ලදී.