ශ්රී ලංකා ගුවන් හමුදාවේ නියෝජ්ය මාණ්ඩලික ප්රධානී ලෙස එයාර් වයිස් මාර්ෂල් ගිහාන් සෙනෙවිරත්න පත් කෙරේ
2026 ජනවාරි 27 දින සිට බලපැවැත්වෙන පරිදි ශ්රී ලංකා ගුවන් හමුදාවේ නියෝජ්ය මාණ්ඩලික ප්රධානී තනතුරට එයාර් වයිස් මාර්ෂල් ගිහාන් සෙනෙවිරත්න මහතා පත් කර ඇත. ගුවන් හමුදාපති එයාර් මාර්ෂල් බන්දු එදිරිසිංහ මහතා විසින් ජනවාරි 27 වන දින ගුවන් හමුදා මූලස්ථානයේදී ඔහු වෙත නිල පත්වීමේ ලිපිය භාර දුන් අතර සිය සුභ පැතුම්ද එක් කළේය.
එයාර් වයිස් මාර්ෂල් ගිහාන් සෙනෙවිරත්න මහතා කොළඹ ශාන්ත ජෝශප් විද්යාලයේ අධ්යාපනය හදාරා 1992 මැයි 28 වන දින ශ්රී ලංකා ගුවන් හමුදාවට බැඳුණු අතර 1996 මැයි 28 වන දින ගුවන් ඉංජිනේරු ශාඛාවේ නියමු නිලධාරියෙකු ලෙස අධිකාරියට පත් විය.
ශ්රී ලංකා ගුවන් හමුදාවේ සේවය කරන කාලය තුළ, විවිධ තනතුරු දරමින් සේවය කර ඇති අතර අණදෙන මාධ්ය නිලධාරී සහ ගුවන් හමුදාපතිගේ මාණ්ඩලික නිලධාරී ඇතුළු කැපී පෙනෙන තනතුරු කිහිපයක් දරා ඇත. ඔහු ගුවන් හමුදාවේ නියෝජ්ය මාණ්ඩලික ප්රධානී ලෙස පත් කිරීමට පෙර ගුවන් හමුදා පළමු මාධ්ය අධ්යක්ෂ, කනිෂ්ඨ අණදෙන සහ මාණ්ඩලික විද්යාලයේ අණදෙන නිලධාරී, නියෝජ්ය අධ්යක්ෂ සාමාන්ය ඉංජිනේරු, මෝටර් රථ ප්රවාහන අධ්යක්ෂ, අධ්යක්ෂ සාමාන්ය ඉංජිනේරු සහ අධ්යක්ෂ සාමාන්ය ගුවන් ඉංජිනේරු යන තනතුරු ද දැරීය.
එයාර් වයිස් මාර්ෂල් සෙනෙවිරත්න මහතා කනිෂ්ඨ අණ හා මාණ්ඩලික විද්යාලයීය පාඨමාලා අංක 14 සම්පූර්ණ කරමින් ඉහළම ශ්රේණියේ උපාධිධාරියා ලෙස ඉදිරියට පැමිණෙමින් හොඳම සේනාවිධායක පර්යේෂණයට හිමි රන් පෑන සම්මානය ද හිමිකර ගත්තේය. සපුගස්කන්දේ ආරක්ෂක සේවා අණ හා මාණ්ඩලික විද්යාලයේ පාඨමාලා අංක 2 හි සාමාජිකයකු ලෙස ගුවන් හමුදාවේ ඉහළින්ම සමත් වූ ඔහු හොඳම පුද්ගල පර්යේෂණ පත්රිකාවට හිමි රන් පෑන දිනා ගනිමින් සේනාවිධායක ගෞරව නාම ලේඛනයේ ස්ථානයක් හිමිකර ගත්තේය. ඔහු බංග්ලාදේශයේ මීර්පූර්හි ජාතික ආරක්ෂක විද්යාලයේ උපාධිධාරියෙකු වන අතර කැලණිය විශ්ව විද්යාලයෙන් ආරක්ෂක අධ්යයනය පිළිබඳ ශාස්ත්රපති උපාධියක් සහ බංග්ලාදේශයේ වෘත්තීයවේදීන්ගේ විශ්ව විද්යාලයෙන් ආරක්ෂාව සහ සංවර්ධනය පිළිබඳ සමාජ විද්යාව පිළිබඳ ශාස්ත්රපති උපාධියක් ලබා ඇත.
එයාර් වයිස් මාර්ෂල් සෙනෙවිරත්න මහතා ශ්රී ලංකා ගුවන් හමුදා ක්රීඩා කවුන්සිලයේ ශ්රී ලංකා ගුවන් හමුදා කරාතේ සභාපති ධුරය ද දරනු ලබන අතර ඔහුගේ විශිෂ්ඨ සේවය අගයමින් "උත්තම සේවා පදක්කම" ද ඔහුට පිරිනමා ඇත.
එයාර් වයිස් මාර්ෂල් ගිහාන් සෙනෙවිරත්න මහතා කොළඹ ශාන්ත ජෝශප් විද්යාලයේ අධ්යාපනය හදාරා 1992 මැයි 28 වන දින ශ්රී ලංකා ගුවන් හමුදාවට බැඳුණු අතර 1996 මැයි 28 වන දින ගුවන් ඉංජිනේරු ශාඛාවේ නියමු නිලධාරියෙකු ලෙස අධිකාරියට පත් විය.
ශ්රී ලංකා ගුවන් හමුදාවේ සේවය කරන කාලය තුළ, විවිධ තනතුරු දරමින් සේවය කර ඇති අතර අණදෙන මාධ්ය නිලධාරී සහ ගුවන් හමුදාපතිගේ මාණ්ඩලික නිලධාරී ඇතුළු කැපී පෙනෙන තනතුරු කිහිපයක් දරා ඇත. ඔහු ගුවන් හමුදාවේ නියෝජ්ය මාණ්ඩලික ප්රධානී ලෙස පත් කිරීමට පෙර ගුවන් හමුදා පළමු මාධ්ය අධ්යක්ෂ, කනිෂ්ඨ අණදෙන සහ මාණ්ඩලික විද්යාලයේ අණදෙන නිලධාරී, නියෝජ්ය අධ්යක්ෂ සාමාන්ය ඉංජිනේරු, මෝටර් රථ ප්රවාහන අධ්යක්ෂ, අධ්යක්ෂ සාමාන්ය ඉංජිනේරු සහ අධ්යක්ෂ සාමාන්ය ගුවන් ඉංජිනේරු යන තනතුරු ද දැරීය.
එයාර් වයිස් මාර්ෂල් සෙනෙවිරත්න මහතා කනිෂ්ඨ අණ හා මාණ්ඩලික විද්යාලයීය පාඨමාලා අංක 14 සම්පූර්ණ කරමින් ඉහළම ශ්රේණියේ උපාධිධාරියා ලෙස ඉදිරියට පැමිණෙමින් හොඳම සේනාවිධායක පර්යේෂණයට හිමි රන් පෑන සම්මානය ද හිමිකර ගත්තේය. සපුගස්කන්දේ ආරක්ෂක සේවා අණ හා මාණ්ඩලික විද්යාලයේ පාඨමාලා අංක 2 හි සාමාජිකයකු ලෙස ගුවන් හමුදාවේ ඉහළින්ම සමත් වූ ඔහු හොඳම පුද්ගල පර්යේෂණ පත්රිකාවට හිමි රන් පෑන දිනා ගනිමින් සේනාවිධායක ගෞරව නාම ලේඛනයේ ස්ථානයක් හිමිකර ගත්තේය. ඔහු බංග්ලාදේශයේ මීර්පූර්හි ජාතික ආරක්ෂක විද්යාලයේ උපාධිධාරියෙකු වන අතර කැලණිය විශ්ව විද්යාලයෙන් ආරක්ෂක අධ්යයනය පිළිබඳ ශාස්ත්රපති උපාධියක් සහ බංග්ලාදේශයේ වෘත්තීයවේදීන්ගේ විශ්ව විද්යාලයෙන් ආරක්ෂාව සහ සංවර්ධනය පිළිබඳ සමාජ විද්යාව පිළිබඳ ශාස්ත්රපති උපාධියක් ලබා ඇත.
එයාර් වයිස් මාර්ෂල් සෙනෙවිරත්න මහතා ශ්රී ලංකා ගුවන් හමුදා ක්රීඩා කවුන්සිලයේ ශ්රී ලංකා ගුවන් හමුදා කරාතේ සභාපති ධුරය ද දරනු ලබන අතර ඔහුගේ විශිෂ්ඨ සේවය අගයමින් "උත්තම සේවා පදක්කම" ද ඔහුට පිරිනමා ඇත.