රත්මලාන ගුවන් හමුදා කඳවුරේ  අංක 61 හෙලිකොප්ටර් පියාසැරිය 2026 මැයි 06 දින 13 වන සංවත්සරය සැමරීය. සැමරුම් උත්සවයන් මාලාවක් මිට සමගාමීව පවත්වන ලදී   . ෆ්ලයිට් කමාන්ඩර් වින්ග් කමාන්ඩර් අයිඑස්බී තිබ්බොටුමුණුවේගේ මඟ පෙන්වීම යටතේ රත්මලාන ශ්‍රී පියරතනාරාම විහාරස්ථානයේදී සිවිල්-හමුදා සහයෝගීතා (CIMIC) ක්‍රියාකාරකමක් පවත්වන ලදී.

පසුව ගුවන් හමුදා නිලධාරීන්, ගුවන් භටයින්, ගුවන් කාන්තාවන් සහ සිවිල් කාර්ය මණ්ඩලයේ සහභාගීත්වයෙන් අංක 61 හෙලිකොප්ටර් ගුවන් යානා අංගන පරිශ්‍රයේදී චාරිත්‍රානුකූල වැඩ පෙළපාළිය පැවැත්විණි. සියලුම නිලයන් අතර සහජීවනය සහ කණ්ඩායම් හැඟීම ඉහළ නංවමින්, කඳවුරු ක්‍රිකට් පිටියේ පැවති මිත්‍රශීලී ක්‍රිකට් තරඟාවලියකින් දිනයේ සිදුවීම් අවසන් විය.